(୧୧)ଯୋଗ ସନ୍ଦେଶ- ଯୋଗ: ଏକ ଶ୍ରେଷ୍ଠ ଜୀବନ ପଦ୍ଧତି
🌹🌹🌹🌹🌹🌹🌹🌹🌹
*ଯୋଗ ସନ୍ଦେଶ(୧୧)*
🌺🌺🌺🌺🌺🌺🌺🌺🌺
ଡାକ୍ତର ସୁଧାଂଶୁ ଶେଖର ମିଶ୍ର, ପାଟଣାଗଡ
🌸🌸🌸🌸🌸🌸🌸🌸🌸
*ଯୋଗ: ଏକ ଶ୍ରେଷ୍ଠ ଜୀବନ ପଦ୍ଧତି*
🌷🌷🌷🌷🌷🌷🌷🌷🌷
ଏକ ନିର୍ଦ୍ଧିଷ୍ଟ ସମୟାବଧି ମଧ୍ୟରେ ସମ୍ପନ୍ନ ହେଉଥିବା କୌଣସି କ୍ରିୟା ସମ୍ପୂର୍ଣ୍ଣ ଯୋଗ ପଦବାଚ୍ୟ ନୁହେଁ । ଯୋଗ ହେଉଛି ଜୀବନ ପ୍ରତି ଏକ ବିଶେଷ ଦୃଷ୍ଟିକୋଣ ଓ. ଏକ ଶ୍ରେଷ୍ଠ ଜୀବନ ପଦ୍ଧତିର ନାମ । କାରଣ ଜଣେ ସାଧାରଣ ଭୋଗୀ ମନୁଷ୍ୟ ଅପେକ୍ଷା ଯୋଗୀର ଜୀବନ ଦିବ୍ୟ ଓ ଅଲୌକିକ ହୋଇଥାଏ । ଦିବ୍ୟ ଓ ଅଲୌକିକ ଜୀବନ ନିର୍ମାଣର କଳା ଓ ବିଧି-ବିଧାନ ମଧ୍ୟ ଯୋଗ ପର୍ଯ୍ୟାୟଭୁକ୍ତ । ଗୀତାରେ ଯୋଗୀର ଜୀବନକୁ ପଦ୍ମ ପତ୍ର ସହିତ ତୁଳନା କରାଯାଇଛି । ପଦ୍ମପତ୍ର ଯେପରି ଜଳରେ ରହି ମଧ୍ଯ ସିକ୍ତ ହୁଏ ନାହିଁ ସେହିପରି ଯୋଗୀ ସାଂସାରିକ ଜୀବନ ଯାପନ କରେ; କିନ୍ତୁ ସଂସାରର ସମସ୍ତ ପ୍ରକାର ଅଶୁଦ୍ଧିର ପ୍ରଭାବ ତା’ ଉପରେ ପଡେ ନାହିଁ । ପଦ୍ମର ଜନ୍ମ ପଙ୍କରୁ ହୋଇଥାଏ! କିନ୍ତୁ ଏହା ତା’ର ସୌନ୍ଦର୍ଯ୍ୟ ଓ ସୁଗଦ୍ଧି ଦ୍ୱାରା ଜନ ମନ ହରଣ କରିଥାଏ । ସାମ୍ପ୍ରତିକ କଳିଯୁଗୀୟ ତମୋଗୁଣୀ ସଂସାର ପଙ୍କ ସଦୃଶ ହିଁ ତ ଅଟେ । ଏହି ପଙ୍କିଳ ସଂସାରରୁ ଉଦ୍ଧ୍ୱର୍ଳୁ ଉଠି ଯେଉଁ ବ୍ୟକ୍ତି ଅନାସକ୍ତ ଓ ନିର୍ମଳ ଜୀବନ ଯାପନ କରେ ସେହିଁ ପ୍ରକୃତ ଯୋଗୀ । ସେ କାମ କ୍ରୋଧାଦି ମନୋବିକାର ସମୂହ ଦ୍ୱାରା ଦୂଷିତ ବାତାବରଣରୁ ନିଜକୁ ମୁକ୍ତ ରଖିବାର କଳା ଜାଣନ୍ତି ।
ଯୋଗର ଅନ୍ୟ ନାମ ଅନ୍ତରାବଲୋକନ । ସ୍ଥୂଳ ଚକ୍ଷୁ ଦ୍ୱାରା କେବଳ ସ୍ଥୂଳ ପଦାର୍ଥ ଦେଖି ହୁଏ । ସାଧାରଣ ମନୁଷ୍ୟ ଜାଣେ ନାହିଁ ଯେ ତା’ର ଏହି ନେତ୍ର ଦ୍ୱୟ ବ୍ୟତୀତ ଆଉ ଏକ ସୂକ୍ଷ୍ମ ନେତ୍ର ଅଛି । ଏହାକୁ ତୃତୀୟ ନେତ୍ର ବା ଅନ୍ତର୍ଦୃଷ୍ଟି କୁହାଯାଏ ଏହି ନେତ୍ର ଉନ୍ମୀଳନ ହେଲେ ତା’ର ଜୀବନର ପଥ ସ୍ପଷ୍ଟ ପ୍ରତିଭାତ ହୁଏ । ଏହି ନେତ୍ର ଦ୍ୱାରା ସେ ନିଜର ବାସ୍ତବିକ ସ୍ବରୂପ, ତା’ର ମୂଳ ନିବାସ ସ୍ଥାନ ଓ ତା’ର ପାରଲୌକିକ ପିତା ପରମାତ୍ମାଙ୍କୁ ଦର୍ଶନ କରିପାରେ । ଈଶ୍ୱରୀୟ ଜ୍ଞାନ ଦ୍ୱାରା ଏହି ନେତ୍ର ଖୋଲିଥାଏ । ତେଣୁ ଏହାକୁ ଜ୍ଞାନ-ନେତ୍ର ମଧ୍ୟ କୁହାଯାଇଥାଏ । ପରଂବ୍ରହ୍ମ ପରମାତ୍ମା ହେଉଛନ୍ତି ଜ୍ଞାନର ମହା ସମୁଦ୍ର । ଯିଏ ନିଜକୁ ଶରୀରଠାରୁ ପୃଥକ ଏକ ଚୈତନ୍ୟ ଆତ୍ମା ନିଶ୍ଚୟ ପୂର୍ବକ ମନ-ବୁଦ୍ଧିକୁ ନିରନ୍ତର ପରମାତ୍ମାଙ୍କ ସହିତ ଯୁକ୍ତ କରିବାର ଅଭ୍ୟାସ କରେ ତା’ର ଏହି ଜ୍ଞାନ-ନେତ୍ର ଖୋଲିଥାଏ । ଆତ୍ମା ପରି ପରମାତ୍ମା ମଧ୍ୟ ଅଶରୀରୀ ହୋଇଥିବାରୁ ତାଙ୍କ ସହିତ କେବଳ ମନୋମିଳନ ହୋଇପାରେ । ପରମାତ୍ମାଙ୍କ ସହିତ ମନୋମିଳନର ଅଭ୍ୟାସ କ୍ରିୟା ହେଉଛି ଯୋଗ । ଏହା ଦ୍ୱାରା ବ୍ୟକ୍ତିର, ବୃତ୍ତି, ସ୍ଥିତି ଓ କୃତି ଅଲୌକିକ ହୋଇଯାଏ ।
🙏🙏🙏🙏🙏🙏🙏🙏🙏
ଯୋଗାଯୋଗ :
ସମ୍ପାଦକ, ଚେତନା ପ୍ରବାହ, ଶିବ-ଶକ୍ତି ହୋମିଓ ସେବା ସଦନ, ପାଟଣାଗଡ଼- ୭୬୭ଠ୨୫
ଜି: ବଲାଙ୍ଗିର, ମୋବାଇଲ ନମ୍ବର-9437210296, 7609969796
🙏🙏🙏🙏🙏🙏🙏🙏🙏
Comments
Post a Comment