ମୌନ ପ୍ରାର୍ଥନା
ହେ ପ୍ରଭୁ, ହେ ସର୍ବଶକ୍ତିମାନ ପରମାତ୍ମା,
ଆପଣ ପରମ ପ୍ରକାଶ, ସମସ୍ତଙ୍କ କଲ୍ୟାଣକାରୀ, ପ୍ରେମମୂିର୍, ସୁଖଶାନ୍ତି ଦାତା ଆନନ୍ଦର ସାଗର ଓ ଜ୍ଞାନର ଭଣ୍ଡାର ଅଟନ୍ତି । ଆମ ଜୀବନକୁ ଆପଣଙ୍କ ପ୍ରେମମୟ ସ୍ପର୍ଶ ମିଳୁ । ଆନନ୍ଦ ଓ ଶାନ୍ତିର କିରଣ ଆମ ଉପରେ ବରଷୁ ଏବଂ ଆପଣଙ୍କ ଜ୍ଞାନ-ପ୍ରକାଶରେ ଆମର ବୁଦ୍ଧି ଦିବ୍ୟ ବନୁ । ଆପଣ ଆମ ସମସ୍ତ ଆତ୍ମାମାନଙ୍କର ମାତା-ପିତା, ବୁଦ୍ଧି, ସଖା, ସାଥୀ ସହାୟକ ଏବଂ ରକ୍ଷକ ଅଟନ୍ତି । ଏହି ନୟନ ଦ୍ୱାରା ମୁଁ ତ ଆପଣଙ୍କୁ ଦେଖି ପାରିବି ନାହିଁ, ଆପଣ ମୋତେ ଜ୍ଞାନଚକ୍ଷୁ - ଅନ୍ତର୍ଚକ୍ଷୁ ପ୍ରଦାନ କରନ୍ତୁ, ଯଦ୍ଧ୍ୱାରା ଆପଣଙ୍କ ସତ୍ୟଂ, ଶିବଂ ସୁନ୍ଦରଂ ସ୍ବରୂପକୁ ମୁଁ ହୃଦୟଙ୍ଗମ କରି ପାରିବି ଏବଂ ଏହି ଦିବ୍ୟ ସ୍ବରୂପରେ ଏକାକାର ହୋଇଯିବି ।ହେ କରୁଣାସାଗର, ପ୍ରତ୍ୟେହ ପ୍ରତ୍ୟେକ କାର୍ଯ୍ୟରେ, ଦୈନନ୍ଦିନ କାର୍ଯ୍ୟ ବ୍ୟବହାରରେ ଶୟନେ, ସ୍ବପନେ ଅଥବା ଜାଗରଣେ ଆପଣଙ୍କ ସ୍ମୃତି ଦ୍ୱାରା ମୋର ଚି ପ୍ରସନ୍ନ ହୋଇଯାଉ । ପ୍ରତିଟି ଶ୍ୱାସରେ ଏବଂ ପ୍ରତିଟ ଲୋମ କୂପରେ ଆପଣଙ୍କ ଦିବ୍ୟ ସ୍ପର୍ଶ ଅନୁଭବ ହେଉ । ହେ ସଖା! ଆପଣ ମୋ ହୃଦୟ ସିଂହାସନରେ ବିରାଜମାନ କରନ୍ତୁ!!... ଆପଣ ଜ୍ୟୋତି ସ୍ବରୂପ ଓ ପ୍ରକାଶପୁଞ୍ଜ ଅଟନ୍ତି । ପତ୍ୱର ଏହି ଦେହରେ ମୁଁ ଆତ୍ମା ହେଉଛି ଚୈତନ୍ୟଶକ୍ତି, ପ୍ରକାଶ ବିନ୍ଦୁ ସ୍ବରୂପ । ହେ ପରମ ପିତା ମୋ ଉପରେ ସର୍ବଦା ପ୍ରେମ ଓ ଜ୍ଞାନର କିରଣ ବରଷୁଥାନ୍ତୁ । ହେ ମୋର ମାର୍ଗଦର୍ଶକ, ଅଜ୍ଞାନ ଅନ୍ଧକାରରୁ ମୋତେ ସତ୍ୟ ପ୍ରକାଶ ଅଭିମୁଖେ ନେଇ ·ଲନ୍ତୁ । ବିକାର ଉପରେ ବିଜୟ ପ୍ରାପ୍ତ କରିବା ପାଇଁ ମୋତେ ବଳ ଦିଅନ୍ତୁ । ଅନ୍ୟମାନଙ୍କୁ ଦୁଃଖ-ଯନ୍ତ୍ରଣାରୁ ମୁକ୍ତ କରିପାରିବାର ଶକ୍ତି ମୋତେ ପ୍ରଦାନ କରନ୍ତୁ । ମୋର ଚତୁର୍ଦ୍ଧିଗରେ ଆଶା, ଉତ୍ସାହ-ଉଦ୍ଧୀପନା ଏବଂ ସ୍ନେହର ତରଙ୍ଗ ବିଚ୍ଛୁରିତ କରି ଏହି ଜୀବନକୁ ଯେପରି ଧନ୍ୟ କରିପାରିବି ସେହି ଶିକ୍ଷା ମୋତେ ପ୍ରଦାନ କରନ୍ତୁ, (ହେ ମୋର ସତ୍ଗୁରୁ ।)
ଜୀବନରେ କଳହ-କ୍ଲେଶ ଏବଂ ସଂଘର୍ଷରେ ମୁଁ ପରାଜିତ ନ ହୁଏ, ଆପଣଙ୍କ କୃପା ଲବ୍ଧ ସଫଳତା ଓ ସମୃଦ୍ଧିରେ ପଥହୁଡି ନ ଯାଏଁ, ଅହଂକାର, କ୍ରୋଧ ଓ କଟୁତା ବଶତଃ କାହାରି ହୃଦୟରେ ଆଘାତ ନ ଦିଏ ଏବଂ ବୁଦ୍ଧିର ଜଡତା ହେତୁ ଆପଣଙ୍କଠାରୁ ଦୂରେଇ ନ ଯାଏ, ଏତିକି ବିବେକ ମୋତେ ଦିଅନ୍ତୁ, ହେ ମୋର ପରମ ଶିକ୍ଷକ । ସର୍ବ ଦୁଃଖ, ସଂଘର୍ଷ, ଅସୁବିଧା ଓ ପରାଜୟ ମଧ୍ୟରେ ବି ମୋର ମନରେ ଆପଣଙ୍କ ସ୍ମୃତି ଲାଖିରହୁ ଏବଂ ସବୁକୁ ଆପଣଙ୍କ କୃପାର ଫଳ ଭାବି କୌଣସି ଅଭିଯୋଗ ନ କରେଁ, ଆପଣଙ୍କ ପ୍ରେମପୂର୍ଣ୍ଣ ସ୍ମରଣରେ ତଲ୍ଲୀନ ରହେଁ, ଏପରି ସଦ୍ ବୁଦ୍ଧି ଦିଅନ୍ତୁ, ହେ ମୋର ପ୍ରିୟତମ! ମୋର ପ୍ରତ୍ୟେକ କର୍ମ ଆପଣଙ୍କ ଇଚ୍ଛା ଓ ଆଦେଶାନୁସାରେ ହେଉ, ସର୍ବଦା ମୋ ମନରେ ସମସ୍ତଙ୍କ ପ୍ରତି ଶୁଭ ଭାବନା ପ୍ରବାହିତ ହେଉଥାଉ - ଏତିକି ମୋର କାମନା ।
Comments
Post a Comment